Кожнае трэцяе прамысловае прадпрыемства Беларусі стратнае

video

Страты беларускіх прамысловых прадпрыемстваў за дзевяць месяцаў склалі каля $ 871,6 млн.

У студзені-верасні гэтага года сума чыстых стратаў стратных прадпрыемстваў беларускай прамысловасці склала 15,8 трлн рублёў (каля $ 871,63 млн). Гэта ў 2,7 разоў больш, чым за такі ж перыяд мінулага года.

Чыстыя страты на адно стратнае прадпрыемства павялічыліся ўдвая.

Што тычацца колькасці прадпрыемстваў, што не атрымоўваюць прыбытку, то ў верасні іх налічылі 589 (у студзені было 448). Іх доля сярод агульнай колькасці прадпрыемстваў складае 31,8 %, то бок каля траціны.

Страты некаторых прадпрыемстваў наўпрост звязаныя з эканамічнай сітуацыяй у Расеі, якая з’яўляецца адным з галоўных рынкаў для беларускай прамысловасці.

На мінулым тыдні «Белсат» распавядаў пра Лідскі мясакамбінат, які праз праблемы на расейскім рынку зазнае шматмільярдныя страты.

НМ, belsat.eu, паводле naviny.by

Глядзі таксама
Каментары