Відэаблогер Максім Філіповіч, які на сваім Youtube-канале «Гарантый НЯМА» паказвае праўдзівае жыццё ў Беларусі, вырашыў заплаціць «падатак на дармаедства». Але выставіў уладам адну ўмову.
«Вы запішыце мне 183 дні ў працоўны стаж, каб гэта залічвалася ў так званую «пенсію». Хаця я даўно і не думаю пра такі панятак, гледзячы на ўсё, што адбываецца ў нашай краіне. Бо я разумею, што пенсіі, магчыма, не будзе. Нават калі Вы, Аляксандр Грыгорʼевіч, адменіце гэты «збор», нічога не зменіцца. Вы паказалі сваё стаўленне да людзей. Народ не выбачыць… Нават звярнуўшыся ў органы абавязаны абараняць працоўнага, ён нічога не дабʼецца, бо службы, якія павінны яго абараняць, пакрываюць прадпрыемствы. Беларускі народ не рабы. Ніколі імі не былі і не будуць», – кажа блогер у сваім відэа.
Чытаеце таксама >>>
- Вы атрымалі «ліст шчасця» ад падаткавай… Што рабіць?
- У барацьбу з дэкрэтам «аб дармаедстве» уключыліся гомельцы
- Менчукі наконт пратэсту супраць Дэкрэту аб «дармаедах»: Большасць баіцца, таму не пойдзе
- Маршы не-дармаедаў пройдуць у Менску, Магілёве і Гомлі
У 2015 годзе мужчына страціў працу на гомельскім прадпрыемстве «Сейсматэхніка», дзе працаваў кіроўцам. Яму без тлумачэння прычынаў не працягнулі кантракт. У Максіма вышэйшая юрыдычная адукацыя, але з таго часу ён так і не знайшоў працу. Напярэдадні 2017-га года ён атрымаў ліст з Міністэрства па падатках і зборах, што мусіць заплаціць «збор на фінансаванне дзяржаўных выдаткаў».
Ці пойдуць улады на ўмовы Максіма Філіповіча – даведаемся з новага відэа, якое мае зʼявіцца неўзабаве.
ДР belsat.eu
