Карнавал у Берасці
Другі год запар на дзень гораду ў Берасці ладзяць карнавал. Цікавінкай імпрэзы арганізатары робяць тое, што ў шоу прымаюць удзел працаўнікі прадпрыемстваў гораду, спартоўцы і дзеці.
Для гэтага на паўтары гадзіны перакрылі рух транспарту на цэнтральных вуліцах Машэрава і Леніна. Карнавал расцягнуўся на некалькі кіламетраў, а яго ўдзельнікамі сталі па афіцыйнай інфармацыі каля тысячы асобаў.
Спачатку зʼявіліся прадстаўнікі берасцейскіх прадпрыемстваў, якіх змянілі аркестры, дзяцей і спартоўцаў змяніла шоу «Мядзведзі Аэра». Адныя кідалі ў натоўп сыркі ў глазуры, іншыя абліваліся вадой. Увогуле шэсце складалася з асобных частак не звязаных між сабой.
Сёлета ўдзел карнавале прыняло нямала людзей у вышыванках, а мясцовыя сацыял-дэмакраты сустрэлі шэсце з нацыянальным бела-чырвона-белым сцягам.
Ідэю праводзіць карнавал два гады таму выказаў кіраўнік гораду – Аляксандр Рагачук. Старшыня гарвыканкаму любіць рабіць для берасцейцаў сюрпрызы. Напрыклад, каб зэканоміць на карнавал кіраўнік Берасця даваў загады адключаць у горадзе святло, а жыхарам шматпавярховікаў – ліфты.
Больш фотаздымкаў з карнавалу – у фотагалерэі:
СА, belsat.eu
