На сіняй лініі менскага метрапалітэна адбыўся збой у руху цягнікоў. Прычынаю стаўся «інцыдэнт з пасажырам» на станцыі «Плошча Леніна», паведамляецца ў Telegram-канале падземкі.
Здарэнне адбылося каля 9-й раніцы. Праз інцыдэнт на Маскоўскай лініі спыняўся рух цягнікоў. Зараз метрапалітэн працуе ў штатным рэжыме.
Колькі часу не было руху, не паведамляецца. Таксама не ўдакладняецца, які гэта быў інцыдэнт: выпадковае падзенне на рэйкі або спроба самагубства. Няма інфармацыі і пра стан пацярпелага.
Сяргей Крот belsat.eu