У Варшаве «замінавалі» Беларускі дом падчас адкрыцця выставы, прысвечанай Алесю Бяляцкаму

У паліцыю Варшавы паступіў званок пра мінаванне Беларускага дома, які знаходзіцца на вуліцы Kryniczna 6. Там 26 верасня адкрываецца выстава, прысвечаная Нобэлеўскаму лаўрэату Алесю Бяляцкаму, паведамляе тэлеграм-канал «Позірк».

У паліцыю Варшавы паступіў званок пра мінаванне Беларускага дома.

Фота: pozirkonline / Telegram

Паліцыя прыехала перад пачаткам мерапрыемства, якое праходзіла ў Беларускім доме. Поўная эвакуацыя з памяшкання не праводзілася, частка прысутных спусцілася ўніз, частка знаходзілася ў памяшканні.

Пазней кіраўнік Беларускага дома Алесь Зарэмбюк паведаміў, што праверка прайшла, усё спакойна. Агульная затрымка мерапрыемства склала больш за 30 хвілінаў.

У паліцыю Варшавы паступіў званок пра мінаванне Беларускага дома.

Фота: pozirkonline / Telegram

Алена Рувіна belsat.eu