Раніцай 25 красавіка па ўсёй Украіне была абвешчаная паветраная трывога. У выніку расейскіх абстрэлаў Жмэрынкі і Казатына ў Вінніцкай вобласці 5 чалавек загінулі і яшчэ 18 атрымалі раненні, паведаміла Вінніцкая абласная пракуратура ў Facebook.
Абстрэльвалі чыгуначную інфраструктуру.
«Раніцай 25 красавіка расейскія акупацыйныя войскі абстралялі ракетамі абʼекты транспартнай інфраструктуры паблізу гарадоў Жмэрынка і Казатын Вінніцкай вобласці. У выніку варожага абстрэлу папярэдне 5 чалавек загінулі, 18 параненыя (інфармацыя ўдакладняецца!)», – напісалі ў ведамстве.
Следчыя СБУ распачалі крымінальныя справы паводле артыкулу «Наўмысныя дзеянні, учыненыя з мэтай змены межаў тэрыторыі або дзяржаўнай мяжы Украіны, што прывялі да гібелі людзей і іншых цяжкіх наступстваў».
Раней старшыня праўлення Украінскай чыгункі Аляксандр Камышын паведамляў, што расейскія войскі раніцай 25 красавіка абстралялі 5 чыгуначных станцыяў у цэнтры і на захадзе Украіны і што ёсць пацярпелыя.
АД belsat.eu
