Паўночная Карэя 22 ліпеня запусціла некалькі крылатых ракет у бок Жоўтага мора, паведаміў паўднёвакарэйскі Аб’яднаны камітэт начальнікаў штабоў. Запускі адбыліся каля 04:00 паводле мясцовага часу. Пра гэта паведамляе Yonhap.
«Нашы ўзброеныя сілы ўзмацнілі назіранне і пільнасць, цесна супрацоўнічаючы са Злучанымі Штатамі і падтрымліваючы цвёрдую гатовасць», – заявілі ў Паўднёвай Карэі, дадаўшы, што яны ўважліва сочаць за дадатковымі дзеяннямі КНДР.
Запускі былі зроблены праз тры дні пасля таго, як Паўночная Карэя запусціла дзве балістычныя ракеты малой далёкасці ў бок Усходняга мора.
Гэта таксама адбылося на фоне абвастрэння напружанасці на Карэйскім паўвостраве, калі ў паўднёвакарэйскі порт упершныю за 40 гадоў зайшла амерыканская падводная лодка, здольная несці ядравую зброю, і пасля першага раўнду паўднёвакарэйска-амерыканскіх перамоваў адносна ядравага пытання. Паўночная Карэя асудзіла гэта, заявіўшы, што прыбыццё падводнай лодкі можа падпадаць пад прававыя ўмовы ўжывання ёю ядравай зброі.
У сакавіку КНДР заявіла, што запусціла стратэгічныя крылатыя ракеты «з выпрабавальнай боегалоўкай, якая імітуе ядравую боегалоўку».
Якуб Хруст belsat.eu