Дыназаўр у Кангрэсе Калумбіі і цыклон у Індыі і Пакістане. Галоўныя здымкі тыдня

Жанчына сталага веку плача ля цэнтру размеркавання гуманітарнай дапамогі пасля выбуху на Кахоўскай ГЭС. Херсон, Украіна.

Самалёт пралятае міма Месяца, адзінага прыроднага спадарожніка Зямлі. Франкфурт, Нямеччына.

Людзі чакаюць сваёй чаргі, каб атрымаць бясплатную ежу ля лагера для ўнутрана перамешчаных асобаў з-за трапічнага цыклону Біпарджой (Biparjoy), які абрынуўся на ўзбярэжжа Індыі і Пакістану 16 чэрвеня. Перад штормам і Індыя, і Пакістан увялі масавыя меры бяспекі, каб забяспечыць мінімальныя страты. Па дадзеных уладаў, каля 180 тысяч чалавек былі эвакуяваныя з прыбярэжных раёнаў у абедзвюх краінах. Правінцыя Сінд, Пакістан.

Жанчына смуткуе на месцы трагедыі: у выніку расейскага ракетнага ўдару па жылым доме ў Крывым Розе загінулі 13 чалавек і былі паранены 36. Крывы Рог, Украіна.

Чалавек у касцюме дыназаўра і шыльдай на шыі з надпісам «Не выбірайце выміранне» з’явіўся ў Кангрэсе Калумбіі падчас дэбатаў аб змяненні клімату. Багата (Bogota), Калумбія.

У Міланскім саборы развіталіся з былым прэм’ер-міністрам Італіі і медыямагнатам Сільвіё Бэрлюсконі. Палітык, які хварэў на лейкемію, памёр у шпіталі Сан-Рафаэле ва ўзросце 86 гадоў. Мілан, Італія.

У Расеі судзяць 24-ох украінцаў, звязаных з палком «Азоў», сярод якіх 8 жанчын. Людзей затрымалі ў Марыупалі ў 2022 годзе пасля поўнамаштабнага ўварвання Расеі ва Украіну. Абвінавачаным ставяць у віну ўдзел у тэрарыстычнай арганізацыі і спробу гвалтоўнага захопу ўлады на тэрыторыі так званай ДНР. Растоў-на-Доне, Расея.

Ацалелыя пасля караблекрушэння спяць на складзе ў порце гораду Каламата (Καλαμάτα), прыкладна ў 240 кіламетрах ад Афінаў. 14 чэрвеня рыбацкая лодка з мігрантамі перакулілася і затанула ля берагоў Грэцыі. Па меншай меры 78 чалавек загінулі і сотні зніклі без вестак, усяго на судне было каля 750 чалавек. Катастрофа стала адной з найбуйнейшых трагедый у Міжземным моры. Каламата, Грэцыя.

У Сусветны дзень марскіх чарапах, 16 чэрвеня, Нацыянальны цэнтр выратавання марскіх чарапах выпусціў на пляжы Бэйт Янай (Beit Yanai) у Міжземнае мора 18 галавастых марскіх чарапах (логгерхедаў), якія былі выратаваны ізраільскімі спецыялістамі і прайшлі поўны курс рэабілітацыі. Нэтанья (Netanya), Ізраіль.

Сілы спецыяльных аперацый ЗСУ страляюць уначы з савецкай 122-мм гаўбіцы Д-30 па расейскім пазіцыям у Херсонскай вобласці, Украіна.