Прэзідэнт Паўднёвай Карэі Юн Сук Ёль нечакана прыехаў ва Украіну, паведамляе інфармацыйная агенцыя Yonhap са спасылкай на прэзідэнцкую канцылярыю.
Юн Сук Ёль разам з жонкай Кім Кеон Хі прыбылі ва Украіну з Польшчы 14 ліпеня. 15 ліпеня яны наведалі Бучу ў суправаджэнні генеральнага пракурора Украіны Андрэя Косціна, які паказаў гасцям месцы злачынстваў, здзейсненых расейскімі вайскоўцамі падчас акупацыі Бучы ў сакавіку 2022 года.
Акрамя таго, Юн Сук Ёль сустрэўся з прэзідэнтам Украіны Уладзімірам Зяленскім.
Марыя Міхалевіч belsat.eu