Дзяржаўны памежны камітэт Беларусі расказаў пра інцыдэнт з літоўскім памежнікам, які адбыўся 13 ліпеня. Беларускі бок скардзіцца, што літовец незаконна зайшоў на тэрыторыю нашай краіны.
Літоўскі памежнік зайшоў на некалькі метраў на беларускі бок мяжы. Скрыншот з відэа: gpkgovby / Telegram
Сітуацыя адбылася ўчора ў пункце пропуску «Каменны Лог – Мядзінінкай».
На кадрах з камеры відэаназірання відаць, як літовец заходзіць на некалькі метраў углыб беларускай тэрыторыі, суправаджаючы жанчыну з дзіцём з аўтамабільнай чаргі. Потым ён разварочваецца ды вяртаецца на тэрыторыю Літвы.
Дзяржпамежкамітэт асобна адзначыў, што літоўскі памежнік быў узброены. Пра інцыдэнт беларускае ведамства паінфармавала сваіх літоўскіх калегаў.
Алена Рувіна belsat.eu
