Пра смерць вядомага расейскага паэта Льва Рубінштэйна, які падтрымаў беларускія пратэсты 2020 года, паведаміла ягоная дачка.
«Мой тата, Леў Рубінштэйн, памёр сёння», – напісала дачка паэта ў «Жывым Журнале».
8 студзеня ў цэнтры Масквы 76-гадовага Льва Рубінштэйна збіў аўтамабіль. Мужчына быў дастаўлены ў рэанімацыю і заставаўся ў цяжкім стане. 14 студзеня яго не стала.
Крыніца «Вось Так» у расейскім МУС паведаміла, што кіроўца, які збіў Льва Рубінштэйна, пакуль застаецца на свабодзе, але ўжо сёння мае быць затрыманы.
Леў Рубінштэйн – адзін з заснавальнікаў маскоўскага канцэптуалізму, лаўрэат прэміі «НОС», якую атрымаў за кнігу «Знаки внимания». Ён ніколі не цураўся грамадскай дзейнасці: падпісваўся супраць вайны ў Чачэніі, падтрымліваў феміністак групы «Pussy Riot», выступіў супраць расейскай агрэсіі ва Украіне яшчэ ў 2014 годзе. У 2020 годзе ён падтрымаў пратэсты беларусаў супраць лукашэнкаўскага рэжыму.
Зміцер Міраш belsat.eu