Дэпутатамі мясцовых саветаў былі абраныя 15 грамадзянаў Расейскай Федэрацыі, якія стала пражываюць на тэрыторыі Беларусі. Пра гэта паведаміў старшыня ЦВК Ігар Карпенка.
«15 чалавек сталі дэпутатамі мясцовых саветаў. 11 чалавек абраныя ў раённыя саветы дэпутатаў, 4 – у сельскія», – сказаў Ігар Карпенка.
Падчас адзінага дня галасавання было абрана 110 дэпутатаў Палаты прадстаўнікоў і 12 511 дэпутатаў мясцовых саветаў дэпутатаў усіх узроўняў.
Першая сесія Палаты прадстаўнікоў мае адбыцца 22 сакавіка.
Усяго ў спісы для галасавання на выбарах дэпутатаў усіх узроўняў было ўключана больш за 6,9 мільёнаў грамадзянаў. Пры гэтым больш за 95 тысячаў з іх – гэта былі грамадзяне Расеі, якія стала пражываюць на тэрыторыі Беларусі і маюць права галасаваць на выбарах у мясцовыя саветы.
Раман Шавель belsat.eu
