Дзеці кандыдата ў прэзідэнты Беларусі выехалі за межы краіны. Пра гэта паведаміла галоўная рэдактарка «Хартыі 97» Наталля Радзіна ў размове з расейскай журналісткай, каардынатаркай «Русі сядзячай» Вольгай Раманавай.
Як распавяла Наталля Радзіна, яна зараз знаходзіцца ў адной з краінаў Еўразвязу.
«Я займалася зараз пераездам сюды дзяцей кандыдата ў прэзідэнты Святланы Ціханоўскай. Яна звярнулася да мяне па дапамогу, і нашая каманда вырашыла ёй дапамагчы. Дзяцей мы вывезлі, бо ёй сапраўды пагражалі», – распавяла галоўная рэдактарка «Хартыі 97».
Яна нагадала, што раней у Святланы Ціханоўскай, як і іншым палітыкам, у тым ліку Андрэя Саннікава, пагражалі адабраць дзяцей.
«Дзеці зараз у бяспецы. Я гэтаму радая», – падкрэсліла Наталля Радзіна.
У чэрвені, калі прэтэндэнтка ў кандыдаты на прэзідэнцтва Святлана Ціханоўская асабіста здавала подпісы ў выбарчыя камісіі, бо бальшыня каардынатараў ініцыятыўнай групы знаходзілася за кратамі, ёй патэлефанавалі.
«Мне не тое што пагражалі, мяне папярэдзілі, што, магчыма, мне не варта больш ездзіць: гэта можа мець наступствы для мяне і маіх дзяцей. Якога кшталту наступствы, не сказалі», – распавяла тады яшчэ патэнцыйная кандыдатка на прэзідэнцтва Святлана Ціханоўская.
МГ belsat.e
