Еўрапейскі Звяз мае намер прыняць новы пакет санкцыяў у сувязі з парушэннем правоў чалавека ў Беларусі. Чарговыя абмежаванні могуць уступіць у сілу да гадавіны прэзідэнцкіх выбараў 2020 года, паведамляе DW.
Паводле высокапастаўленых прадстаўнікоў Еўразвязу, краіны ЕЗ да 9 жніўня могуць прыняць чарговыя санкцыі супраць рэжыму Лукашэнкі ў сувязі з парушэннем правоў чалавека ў краіне. Акрамя таго, у Бруселі абмяркоўваюць яшчэ адзін пакет санкцыяў, звязаны з саўдзелам Беларусі ў ваеннай агрэсіі Расеі супраць Украіны.
Еўразвяз ужо ўвёў шэсць пакетаў санкцыяў супраць рэжыму ў Беларусі. Афіцыйных вынікаў прэзідэнцкіх выбараў 9 жніўня 2020 года ў ЕЗ не прызналі.
Алена Аляксандрава belsat.eu