На Гарадзеншчыне працягваюць затрымліваць сябраў ініцыятыўнай групы за вылучэнне кандыдатам у прэзідэнты Святланы Ціханоўскай.
У Горадні затрымалі сябра ініцыятыўнай групы Святланы Ціханоўскай Юлію Карначаву, паведамляць «Праваабаронцы за свабодныя выбары».
Яе затрымалі на пікеце па зборы подпісаў, бо супраць яе вядзецца адміністрацыйная справа.
У Скідзелі міліцыя і ДАІ сочаць за каардынатарам ініцыятыўнай групы Ціханоўскай па шасці раёнах Гарадзеншчыны Яўгенам Клімукам. Адносна яго таксама распачалі адміністрацыйную справу.
Нагадаем, што кіраўнік штабу і муж Святланы Ціханоўскай Сяргей з 29 траўня знаходзіцца пад арыштам.
МГ belsat.eu