31 ліпеня стала вядома пра гібель ва Украіне пяцёх беларускіх добраахвотнікаў: чатырох каліноўцаў і аднаго ваяра аб’яднання «Пагоня». Іхныя імёны не раскрываюцца.
Полк Каліноўскага паведаміў, што загінуў адзін ваяр батальёна «Волат» і тры ваяра батальёна «Літвін».
«Мы знаходзімся на сувязі з роднымі і блізкімі загінуўшых. Пазыўныя і тым больш імёны ваяроў не выдаюцца ў мэтах бяспекі сваякоў. Рана ці позна імёны загінуўшых з гонарам загучаць у роднай Беларусі!» – гаворыцца ў паведамленні палка.
Таксама пра страту сёння паведаміла аб’яднанне «Пагоня».
«У баях за свабоду Украіны загінуў сябра грамадскага аб’яднання «Пагоня». Ён быў сапраўдным беларусам: смелым, вольным, шчырым чалавекам, які змагаўся на баку святла супраць акупантаў», – адзначаецца ў допісе.
Лік беларускіх добраахвотнікаў, якія загінулі ва Украіне, вырас да 31.
Сяргей Крот belsat.eu