Пуцін заявіў, што Расея і Кітай будуць умацоўваць супрацу паміж збройнымі сіламі

30 снежня Уладзімір Пуцін правёў у фармаце відэаканферэнцыі перамовы з кіраўніком Кітаю Сі Цзінь Пінам, падчас якога заявіў, што Расея і Кітай будуць умацоўваць супрацу паміж збройнымі сіламі дзвюх дзяржаваў, перадае dw.com.

«Асаблівае месца ва ўсім комплексе расейска-кітайскай супрацы і нашых стасункаў займае вайсковая і вайскова-тэхнічная супраца, якая садзейнічае захаванню бяспекі нашых краінаў і падтрыманню стабільнасці ў ключавых рэгіёнах. Мы нацэленыя ўмацоўваць узаемадзеянне паміж збройнымі сіламі Расеі і Кітаю», – сказаў Уладзімір Пуцін.

У сваю чаргу, Сі Цзінь Пін казаў пра тое, што Кітай на фоне складанай міжнароднай абстаноўкі гатовы нарошчваць палітычнае ўзаемадзеянне з Расеяй і быць з ёй глабальнымі партнёрамі.

Расейскія медыі паведамляюць, што Уладзімір Пуцін запрасіў Сі Цзінь Піна ў Маскву ўвесну 2023 года і адзначыў, што інтэнсіўныя двухбаковыя абмены паміж РФ і КНР працягнуцца.

Зміцер Міраш belsat.eu