Дарадца абранай прэзідэнткі Беларусі Анатоль Лябедзька паведаміў у Facebook пра крымінальную справу супраць свайго сына Арцёма. «Вышэйшы пілатаж бесчалавечнасці і мярзотнасці. Пад падэшвай беззаконня хлюпаюць слёзы, хрусцяць косці, краваточыць боль», – напісаў палітык.
На Арцёма Лябедзьку завялі крымінальную справу, паведаміў ягоны бацька Анатоль Лябедзька. Ён назваў справу сфабрыкаванай.
«Вышэйшы пілатаж бесчалавечнасці і мярзотнасці. Свядома, мэтанакіравана ідуць па жывых людзях, па сям’і, па дзіцяці. Пад падэшвай беззаконня хлюпаюць слёзы, хрусцяць косці, краваточыць боль», – напісаў палітык у Facebook.
Анатоль Лябедзька ўдакладніў «Белсату», што справа заведзеная паводле артыкула аб фінансаванні экстрэмісцкай дзейнасці.
Арцёма Лябедзьку затрымалі 28 сакавіка і прызначылі 15 содняў паводле артыкула «Дробнае хуліганства». Цяпер, пасля другога запар арышту на такі ж тэрмін, яго перавялі з Акрэсціна ў СІЗА на Валадарскага ў Менску.
Сяргей Крот belsat.eu
