Следчы камітэт паведамляе, што ў выніку падзення мотадэльтаплана пад Вялейкай загінулі двое мужчынаў.
Падзенне мотадэльтаплана ў Вялейскім раёне.
Фота: skgovby / Telegram
Паводле інфармацыі СК, 52-гадовы жыхар Смалявічаў прыехаў у Вялейскі раён, каб палётаць на мотадэльтаплане. Пасля пасадкі да яго падышоў 24-гадовы мясцовы жыхар і папрасіў здзейсніць палёт разам.
«Ужо ў небе пілот не справіўся з кіраваннем, лятальны апарат упаў на зямлю, у выніку чаго абодва мужчыны загінулі», – паведамляецца ў прэс-рэлізе.
Следчыя распачалі крымінальную справа паводле ч. 3 арт. 314 Крымінальнага кодэксу Беларусі («Парушэнне правілаў бяспекі руху або эксплуатацыі паветранага транспарту, якое выклікала па неасцярожнасці смерць дзвюх асобаў»).
Глеб Нержын belsat.eu
