Праваабаронцам стала вядома, што 25 жніўня затрымалі жонку палітвязня Анатоля Латушкі – Алену. Пра гэта піша «Вясна».
У доме Алены Латушка адбыўся ператрус у межах справы паводле арт. 342 КК. Дзе яна знаходзіцца зараз, невядома.
Палітвязень Анатоль Латушка – стрыечны брат палітыка Паўла Латушкі, які раней быў міністрам культуры, а цяпер уваходзіць у кабінет на чале са Святланай Ціханоўскай ды ўзначальвае Народнае антыкрызіснае ўпраўленне.
Анатоля Латушку затрымалі 31 студзеня ў Менску, разам з ім затрымалі Алену Маліноўскую і яшчэ адну жанчыну. Іх вінавацілі ў хуліганстве (ч. 2 арт. 339 КК) – нібыта за маляванне праз трафарэты герба «Пагоня».
Родныя палітвязня паведамляюць, што ў Цэнтральным РУУС міліцыянты збівалі Анатоля Латушку, такім чынам яны патрабавалі ад яго пароль да тэлефону.
Якуб Хруст belsat.eu