Акцыі памяці да гадавіны катастрофы на ЧАЭС у свеце

26.04.202323:43

У 37-ую гадавіну Чарнобыльскай катастрофы, якая пакінула назаўжды след у гісторыі не толькі Беларусі, але і ўсяго свету, беларусы правялі акцыі памяці і шэсце «Чарнобыльскі шлях» у розных краінах. Сабралі галоўныя фотаздымкі, а таксама паглядзелі, дзе яшчэ прайшлі акцыі.

Украіна

Цырымонія памяці ля Чарнобыльскай АЭС.

Фота: Глеб Гараніч / Reuters / Forum

Працэсія ў Кіеве.

Фота: Celestino Arce / Zuma Press / Forum

Уладзімір Зяленскі ўскладае кветкі да мемарыяльнага кургана героям Чарнобылю ў Кіеве.

Фота: Pool / Ukrainian Presidentia / Zuma Press / Forum

Мужчына ўскладае кветкі да мемарыялу загінулых чарнобыльцаў у Кіеве.

Фота: Celestino Arce / Zuma Press / Forum

Курсанты прымаюць удзел у цырымоніі на 37-я ўгодкі катастрофы на Чарнобыльскай атамнай электрастанцыі ў Кіеве.

Фота: Reuters / Forum

Супрацоўнікі Чарнобыльскай атамнай станцыі падчас начной памінальнай службы ля мемарыяла ў гонар пажарным і рабочым, якія загінулі падчас ліквідацыі наступстваў выбуху, у Славуцічы.

Фота: Valentyn Ogirenko / Reuters / Forum

Літва

Чарнобыльскі шлях у Вільні. Сёлетняя акцыя прайшла пад лозунгам «Не ядравай зброі ў Беларусі». Спачатку на Лукішскай плошчы адбыўся мітынг, дзе выступілі літоўскія палітыкі, беларускія грамадскія дзеячы, а таксама Святлана Ціханоўская. Затым шэсцем удзельнікі накіраваліся да амбасады Расеі, куды аднеслі стылізаваную атамную зброю і там яе падпалілі. Вільня, Літва. 26 красавіка 2023 года.

Фота: Белсат

Польшча

Шэсце «Чарнобыльскі шлях» на ўгодкі выбуху ЧАЭС. Беларусы кожны год выходзяць на шэсце, каб не забыць трагічныя падзеі красавіка 1986 і іх наступствы. Акцыя накіравана і на тое, каб звярнуць увагу на ядравую зброю, якую Расеі размесціла на тэрыторыі Беларусі. Варшава, Польшча. 26 красавіка 2023 года.