«Белтэлекам» папярэдзіў аб цяжкасцях з доступам да рэсурсаў «заходняга» сегмента. Такое паведамленне з’явілася 25 студзеня на сайце аператара.
Будынак Белтэлекама. Менск, Беларусь.
Фота: АВ / Белсат
На сайце кампаніі напісана, што праблемы з доступам да рэсурсаў заходняга сегменту магчымыя ў сувязі з пашкоджаннем на сетцы партнёра ў Польшчы.
У лістападзе 2021 года «Белтэлекам» паведамляў пра пашкоджанне кабелю, пракладзенага ў напрамку Польшчы, які выкарыстоўваецца для забеспячэння сувязі з інтэрнэтам.
«У звязку з пашкоджаннем кабелю ў кірунку партнёра ў Польшчы магчымыя цяжкасці з доступам у інтэрнэце да рэсурсаў «заходняга» сегменту. Просім прабачэння за прычыненыя нязручнасці», – заяўлялі тады ў «Белтэлекаме».
Алена Рувіна belsat.eu
