Былая жонка старшыні Руху «За Свабоду» Юрася Губарэвіча Стася распавяла «Народнай волі» пра абставіны свайго затрымання 20 ліпеня.
«Да нас прыйшлі а 9.40 з пастановай на вобшук, выпісанай на імя Юрася Губарэвіча, бо ён прапісаны…. Сілавікі аглядалі фактычна мой пакой, ператрэслі там усе рэчы, усё раскідалі. Прычым у мяне склалася ўражанне, што рэчы раскідалі менавіта проста каб раскідаць», – адзначыла яна.
Паводле яе, сілавікі, знайшоўшы нацыянальны сцяг, павесілі яго на балконе, а яе прымусілі пераапрануцца ў кашулю з чырвонымі палоскамі і шкарпэткі такога ж колеру.
«Пасля сфатаграфавалі і павезлі ў РАУС. Прыцягнулі да адказнасці за адзіночны пікет, які я зладзіла на сваім жа балконе…», – сказала Стася Губарэвіч.
У пратаколе ж напісана, што сілавікі ішлі па вуліцы, убачылі на балконе сцяг і таму прыйшлі да яе.
Спачатку мне сказалі, што мяне пасадзяць на 20 сутак, але потым далі 70 базавых», – распавяла яна «Народнай волі».
Раніцай 20 ліпеня адбыўся ператрус па адрасе, дзе прапісаны старшыня руху «За Свабоду» Юрась Губарэвіч. Пяцёра невядомых звезлі з сабой ягоную былую жонку Стасю Губарэвіч. Пасля яе аштрафавалі на 70 базавых велічынь.
МГ belsat.eu