Былы афіцэр спецпадраздзялення «Алмаз» Ігар Макар у размове з «Белсатам» заявіў, што фільм пра штурм кватэры з «тэрарыстам» у Горадні, які паказалі на дзяржаўным тэлебачанні, выклікае шмат пытанняў. На думку былога сілавіка, фільм створаны дзеля прапагандысцкіх мэтаў.
Ігар Макар, які ў мінулым быў афіцэрам спецпадраздзялення «Алмаз», лічыць, што «затрыманне тэрарыста» ў Горадні ёсць інсцэнізацыяй. Афіцэр пагаджаецца з меркаваннем сваіх калегаў з «ByPol» і тлумачыць, што калі працуе спецпадраздзяленне, аперацыя плануецца.
Перад тым, як паступае сігнал, вядуцца аператыўныя мерапрыемствы. Дзяржава будзе намагацца затрымаць, а не знішчыць меркаванага тэрарыста. І існуе шмат спосабаў затрымання чалавека без стратаў. Для мяне дзіўным ёсць тое, што асоба, якая рыхтавала тэракт, група для фінальнага затрымання вядзе з ім перамовы. Спецпадраздзяленне ставіць на раптоўнасць.
Стрэлы і выбухі, якія гучалі ў відэа, насамрэч не ёсць стралянінай з аўтамата, і выбухнула не баявая граната, а святлошумавая.
Асоба, якую называюць тэрарыстам, пра якую сцвярджаюць, што ў кватэры трымаў зброю, выбухоўку, але паводзіў сябе вельмі дзіўна. Ён нібыта толькі страляў, кідаў гранаты, але не намагаўся ўцякаць. Да ўсяго, перавезці з Польшчы зброю сёння ў Беларусь проста фізічна немагчыма. Пытанні выклікае нават узровень маскіроўкі.
«Затрымаць тэрарыста маглі б падчас аператыўнага здымання. Потым зладзілі б ператрус у кватэры. У іншым выпадку, калі планавалі затрыманне небяспечнага ўзброенага тэрарыста, то на затрыманне прыбыла б спецыяльная група з поўным экіпаваннем. Ніколі працаўнікі не зойдуць у кватэру, а потым будуць выбягаць, бо разбурыцца шыхт», – кажа Ігар Макар.
Алена Аляксандрава belsat.eu