Матэрыял «Белсату» атрымаў узнагароду ад праваабарончай ініцыятывы «Журналісты за талерантнасць»
На мінулым тыдні матэрыял «Белсату» пра гісторыю дзяўчыны з інваліднасцю, якая брала ўдзел у пратэстах, атрымаў прэмію ад праваабарончай ініцыятывы «Журналісты за талерантнасць».
Праца журналісткі Ксеніі Тарасевіч заняла трэцяе месца ў намінацыі «Матэрыял на тэматыку роўнасці і недыскрымінацыі ўразлівых групаў».
Першае места дасталася матэрыялу аб праблемах уразлівых групаў, якія праз палітычную сітуацыю ў краіне сышлі на другі план і сталі зноў «нябачнымі». Другое месца атрымала гісторыя дзяўчыны аб прыняцці свайго аўтызму.
«Рэдакцыяй года» быў прызнаны партал EX-PRESS.BY, а ў намінацыі «Персона года» перамагла Ёанна Шыманьска (Joanna Szymańska), экспертка Школ талерантнасці для рэдактараў і журналістаў і прадстаўніца праваабарончай арганізацыі «Article 19».
Ужо другі год запар ініцыятыва «Журналісты за талерантнасць» праводзіць цырымонію ўзнагароджання онлайн.
АД, belsat.eu
