Міністэрства ўнутраных справаў 20 студзеня чарговы раз абнавіла «Пералік грамадзянаў Беларусі, замежных грамадзянаў або асобаў без грамадзянства, якія маюць дачыненне да экстрэмісцкай дзейнасці» – у яго дадалі 39 чалавек. Цяпер у ім 2350 асобаў.
У тым ліку ў «Спіс экстрэмістаў» дадалі грамадзяніна Латвіі Дзмітрыйса Міхайлаўса, краязнаўца Ігара Хмару, а таксама фігурантаў «справы БелаПАН» Андрэя Аляксандрава, Дзмітрыя Наважылава, Ірыну Злобіну і Ірыну Леўшыну.
У «Пералік грамадзянаў Беларусі, замежных грамадзянаў або асобаў без грамадзянства, якія маюць дачыненне да экстрэмісцкай дзейнасці» ўключаюцца як беларусы, так і грамадзяне іншых дзяржаваў, асуджаныя за «злачынствы экстрэмісцкай накіраванасці» пасля прэзідэнцкіх выбараў у 2020 годзе. Гэта людзі, якіх асудзілі ў крымінальных справах. Асуджаныя паводле адміністратыўных артыкулаў не ўключаюцца ў гэты спіс.
У спіс трапляюць асуджаныя ў такіх артыкулах Крымінальнага кодэксу, як арт. 293 («Удзел у масавых беспарадках»), арт. 342 («Актыўны ўдзел у дзеяннях, якія груба парушаюць грамадскі парадак), 369 (абраза прадстаўніка ўлады»), арт. 130 («Распальванне іншай сацыяльнай варожасці), 361-1 («Удзел у экстрэмісцкім фармаванні»), арт. 341 («Апаганьванне маёмасці») і іншыя «пратэставыя артыкулы».
Пасля прысуду і на працягу пяці гадоў пасля пагашэння або зняцця судзімасці тыс, хто трапіў у спіс, забараняецца:
МУС уключае ў «Спіс экстрэмістаў» і тых, хто цяпер у месцах няволі адбывае тэрмін, і тых, хто ўжо выйшаў на волю, і тых, у каго ўжо нават пагашаная судзімасць, паведамляюць праваабаронцы.
Алена Рувіна belsat.eu