У Крамлі зняпраўдзілі, што Пуцін будзе змушаць Лукашэнку да ўдзелу ў вайне супраць Украіны
Прэсавы сакратар кіраўніка Крамля Дзмітрый Пяскоў назваў дурной і беспадстаўнай інфармацыю, што нібыта Уладзімір Пуцін у Менску будзе змушаць Аляксандра Лукашэнку ўзяць удзел у вайне супраць Украіны, піша ТАСС.
Дзмітрый Пяскоў адрэагаваў на інфармацыю, паводле якой нібыта падчас візіту ў Менск Уладзімір Пуцін мае намер прымусіць Аляксандра Лукашэнку ўзяць удзел у вайне супраць Украіны:
«Публікацыі, што Пуцін едзе ў Менск нібыта развязваць пытанне пра ўдзел Беларусі ў спецаперацыі ва Украіне, дурныя і беспадстаўныя».
Прэс-сакратар распавёў, што адным з пытанняў, якія Пуцін мае намер абмеркаваць з Лукашэнкам, стануць мэты і задачы саюзнай групоўкі РФ і Беларусі.
Пуцін 19 снежня наведвае Менск. Гэта першы візіт кіраўніка Крамля ў нашую краін з 2019 года.
Алена Аляксандрава belsat.eu
