Прэзідэнт Украіны Уладзімір Зяленскі наведаў Валынскую вобласць на мяжы з Беларуссю і Польшчай. Тут Зяленскі азнаёміўся з уладкаваннем мяжы, паведамляе прэсавая служба ўкраінскага прэзідэнта.
Уладзімір Зяленскі азнаёміўся з уладкаваннем і аховай дзяржаўнай мяжы на Валыншчыне. Рэгіён мяжуе з Беларуссю. Прэзідэнту таксама распавялі пра сацыяльна-эканамічнае і бягучае становішча ў вобласці бяспекі, уладкаванне фартыфікацыйных і інжынерных збудаванняў абароны.
Памежнікі прадэманстравалі ўмацаванні на мяжы з Беларуссю, якія ствараюцца з пачатку 2022 году.
Зяленскі сустрэўся з вайскоўцамі Дзяржаўнай памежнай службы і ўручыў ім узнагароды, у прыватнасці, ордэна Багдана Хмяльніцкага III ступені, «За мужнасць» III ступені, а таксама медалі «За ваенную службу Украіне».
Алена Аляксандрава belsat.eu