У Познані 71-гадовы мужчына напаў на групу дзяцей і параніў нажом 5-гадовага хлопчыка. Пацярпелага выратаваць не ўдалося, ён памёр у шпіталі. Матывы зламысніка пакуль не высветленыя, перадаюць польскія медыі.
Мужчына напаў на выхаванцаў дзіцячага садка, калі яны ішлі па вуліцы. Ён знянацку ўдарыў нажом у грудзі 5-гадовага хлопчыка, перадае «TOK FM». Зламысніка затрымаў мінак разам з супрацоўніцай паліцыі, якая была на выходным і выпадкова апынулася на месцы здарэння.
Калі прыехалі медыкі, хлопчык яшчэ дыхаў. Ён памёр у шпіталі падчас аперацыі, паведамляе TVN24.
Падазраваны – 71-гадовы мужчына, які жыве непадалёку. Пасля затрымання яму таксама спатрэбілася дапамога лекараў, ён паскардзіўся на задышку.
Матывы зламысніка пакуль не вядомыя. Раней у поле зроку паліцыі ён не трапляў.
Відавочцы кажуць, што з раніцы бачылі ў гэтым раёне паджылага мужчыну, які «бадзяўся без справы і назіраў за тым, што адбываецца».
Сяргей Крот belsat.eu
