Вывяржэнне вулкану ў Інданезіі ды акцыя з мёртвымі дэльфінамі ў Францыі. Галоўныя здымкі тыдня

Дэманстрант трымае парасон, каб абараніцца ад слезацечнага газу падчас пратэстаў, якія трываюць ужо некалькі месяцаў у Францыі з-за прапанаванага ўрадам перагляду пенсійнай рэформы. 16 сакавіка прэзідэнт Францыі Эмануэль Макрон усё ж прыняў без галасавання ў Нацыянальнай асамблеі закон пра павышэнне ўзросту выхаду на пенсію з 62 да 64 гадоў – гэта выклікала хвалю беспарадкаў у Парыжы. Аднак Францыя ўсё яшчэ застаецца адной з краінаў з нізкім значэннем пенсійнага ўзросту ў Еўропе: у Іспаніі ён складае 65 гадоў, у Вялікай Брытаніі – 66, у Італіі і Германіі – 67. Нант (Nantes), Францыя.

Мітынг ў гонар 12-й гадавіны пачатку паўстання супраць сірыйскага прэзідэнта Башар аль-Асады ў 2011 годзе і яго ўрада. Жорсткае прыгнечанне пратэстаў прывяло да грамадзянскай вайны, якая па дадзеным ААН на 2021 год забрала жыцці да 600 000 сірыйцаў і пазбавіла прытулку больш за пяць мільёнаў чалавек. Ас-Саўра (Al-Thawrah), Сірыя.

Вайсковец плача побач з чалавекам, які трымае фатаграфію свайго сына ля Сцяны памяці загінулых абаронцаў Украіны ў расейска-ўкраінскай вайне падчас цырымоніі з нагоды Дня добраахвотніка ў Кіеве, Украіна.

Пажылая жанчына стаіць ля будынку ў агні пасля абстрэлу ў Касцянтынаўцы, Данецкая вобласць, Украіна.

Лодка, якая села на мель, ляжыць на беразе возера Сэр-Пансон (Serre-Poncon). З-за адсутнасці дажджоў у Францыі была зафіксавана самая доўгая зімовая засуха з пачатку вядзення ўліку ў 1959 года. Сэр-Пансон, Францыя.

Украінскі вайсковец рыхтуе снарады да абстрэлу расейскіх пазіцый пад Бахмутам, Данецкая вобласць, Украіна.

Члены арганізацыі па ахове марскога асяроддзя «Sea Shepherd» (SSCS) трымаюць транспарант падчас дэманстрацыі супраць неселектыўнага рыбалоўства перад будынкам Еўрапейскага парламенту ў Страсбургу, Францыя.

Эвакуацыя выратавальнай каманды для пошуку пацярпелых, пахаваных апоўзнем, які быў выкліканы моцным дажджом у Богары (Bogor), Інданезія.

Цыклон «Фрэдзі» – самы працяглы і магутны трапічны цыклон з усіх зарэгістраваных цыклонаў з найбольшай назапашанай энергіяй. «Фрэдзі» прывёў да разбурэння дамоў і інфраструктуры ў Мазамбіку і на Мадагаскары, а ў Малаві наступствы былі яшчэ больш сур’ёзнымі, са шматлікімі ахвярамі і паводкамі. У выніку цыклону загінулі не менш за 424 чалавекі: 326 у Малаві, 63 у Мазамбіку, 17 на Мадагаскары, 16 у караблекрушэнні ля Маўрыкія і 2 у Зімбабвэ. Блантайр (Blantyre), Малаві.

Жанчына трымае скамянелага слімака ўзростам 99 мільёнаў гадоў, захопленага ў бурштыне пад назвай «Archaeocyclotus Brevivillosus» у Музей прыродазнаўчай гісторыі і этнаграфіі ў Кальмара. Слімак, які паходзіць з даліны Хукаўн (Hukawng) на поўначы Бірмы, з’яўляецца сучаснікам дыназаўраў і дае акно ў біяразнастайнасць эпохі. Кальмар (Colmar), Францыя.

У Інданезіі адбылося вывяржэнне вулкану Мэрапі (Merapi) на востраве Ява, якое выкінула гарачае воблака вышынёй да сямі кіламетраў. Жыхары суседняга населенага пункта былі папярэджаны спыніць любую дзейнасць у небяспечных зонах у радыусе ад трох да сямі кіламетраў ад кратару. Джакарта, Інданезія.