На мінулым тыдні беларускі мільярдэр Віктар Пракапеня, які цяпер жыве ў Лондане, вырашыў спыніць сваю групу абмену крыптавалютамі Currency.com для кліентаў у Расеі, выступіўшы з асуджэннем расейскай агрэсіі.
Праз некалькі хвілін пасля публікацыі заявы ў кол-цэнтр пачаўся шквал тэлефанаванняў ад расейцаў з пагрозамі. А праз некалькі гадзін пасля гэтага кроку Currency.com зазнаў найбуйнейшую кібератаку, якую бачыў тэхналагічны прадпрымальнік, піша брытанскае выданне «Sunday Times».
Віктар Пракапеня ўпэўнены, што атакі былі арганізаваны з Расеі:
«Не трэба быць ракетчыкам. На нас нападалі раней, як і на ўсе фінансавыя фірмы, але памер гэтага быў неверагодны: у дзесяць разоў больш, чым мы калі-небудзь бачылі».
Мільёны камп’ютараў па ўсім свеце бамбавалі ўэб-сайт кампаніі некалькімі запытамі, спрабуючы вывесці з ладу яе сістэмы.
Currency.com зʼяўляецца адной з многіх арганізацый, якія пацярпелі ад кібератак пасля асуджэння вайны Расеі або выхаду з краіны. Па словах Пракапені, у яго было 500 тысяч кліентаў з Расеі.
АД belsat.eu