Гурт «Dzieciuki» паведаміў на сваёй старонцы ў Фэйсбуку, што басіст Андрэй «Пітон» Пятко трапіў у бяду: ён зламаў абедзве нагі. Што стала прычынай здарэння, музыкі не паведамляюць.
«Сябры! Як многія ўжо ведаюць, наш Пітоша патрапіў у бяду. У выніку выпадку, яму не пашанцавала зламаць абедзве нагі. Зразумела, у бліжэйшы час ён не зможа вернуцца да працы, а рахункі са шпіталю, як і рэабілітацыю, трэба аплаціць. Мы ніколі не хавалі, што працуем на звычайных працах, ды не валодаем мільёнамі. Таму вымушаны звярнуцца да вас», – гаворыцца ў допісе гурту.
Дапамагчы фінансава можна праз BLIK-плацёж па нумары +48 577670081, у каментарах трэба пазначыць «для Пітона». «Усе лішкі пойдуць на дабрачыннасць», – тлумачаць «Dzieciuki».
«Dzieciuki» – беларускі фолк-панкавы гурт з Горадні. У 2020 годзе музыкі трапілі пад рэпрэсіі і былі вымушаны эміграваць у Польшчу, дзе аднавілі сваі выступы.
Глеб Нержын belsat.eu
