Раскамнагляд зрабіў заяву аб тым, што блакаванне папулярнага месэнджара «WhatsApp» можа адбыцца ў выпадку, калі ў ім з’явяцца каналы з забароненай інфармацыяй, якія не будуць выдаленыя з яго пры патрабаванні Раскамнагляда.
«Зяўленне несяброўскіх каналаў з забароненай інфармацыяй неадкладна прывядзе да патрабавання аб іх выдаленні і пры адмове – блакіроўку», – патлумачылі ў Раскамнаглядзе.
У ведамстве расказалі, што патрабаванні расейскага заканадаўства распаўсюджваюцца на ўсе кампаніі, уключаючы месэнджары і сацыяльныя сеткі, якія працуюць у Расеі і арыентуюцца на расейскіх карыстальнікаў. Прымяненне мер за невыкананне законаў Расейскай Федэрацыі наўпрост залежыць ад адміністрацыяў такіх кампаніяў і рашэнняў, якія яны прымаюць, заявілі ў Раскамнаглядзе.
Нагадаем, што месэнджар «WhatsApp» належыць кампаніі «Meta», прызнанай у Расеі экстрэмісцкай.
Аб тым, што ў месэнджары будуць з’яўляцца ананімныя каналы, стала вядома яшчэ на пачатку лета 2023 года. 13 верасня месэнджар дадаў функцыянал стварэння каналаў, які працуе ў 150 краінах, а да канца года павінны быць даступны ўсім карыстальнікам.
Раман Шавель belsat.eu
