Цэнтральны банк Багамскіх астравоў сумесна з іншымі членамі Групы органаў рэгулявання фінансавых паслуг краіны выдаў дырэктывы для кантраляваных фінансавых устаноў, якія забараняюць дзелавую дзейнасць з бакамі, што знаходзяцца пад санкцыямі Злучаных Штатаў і іншых заходніх краін, з прычыны вайны ва Украіне.
У прыватнасці, фінансавым арганізацыям, якія маюць ліцэнзію або дазвол на дзейнасць з Багамскіх астравоў або на іх тэрыторыі, забараняецца ўдзельнічаць у здзелках з асобамі, арганізацыямі або прадпрыемствамі, якія знаходзяцца пад санкцыямі, звязанымі з Расеяй і Беларуссю.
Згаданыя арганізацыі павінны ўжываць самы высокі ўзровень кантролю кіравання рызыкамі, каб перадухіліць магчымасць любога неправамернага выкарыстання багамскай фінансавай сістэмы.
Багамскія санкцыі ўключаюць санкцыі, уведзеныя Злучанымі Штатамі, Канадай, Вялікай Брытаніяй, Еўрапейскім Звязам і любымі іншымі юрысдыкцыямі.
Багамскія астравы – адна з самых папулярных афшорных зонаў.
ПС belsat.eu