«На нашую думку, Жадан, адзін з лепшых паэтаў Украіны і выбітны празаік, творы якога перакладзеныя і ўганараваныя ва ўсім свеце, ёсць пісьменнікам Нобэлеўскага ўзроўню. Ягоны голас як паэта на працягу многіх гадоў застаецца асабліва важным для ўкраінцаў. Свабодная Украіна ў большасці сваёй кажа і думае словамі Жадана, і ўважліва слухае. Сёння паэт застаецца ў сваім Харкаве. І ён змагаецца», — напісана ў заяве камітэту.
Сяргей Жадан — украінскі паэт, празаік, перакладчык постмадэрнісцкага кірунку, стыліст, правакатар і эксперыментатар. Ён лічыцца адным з самых таленавітых сучасных літаратараў Украіны. Жадан — лаўрэат шматлікіх прэстыжных узнагародаў. У 2015 годзе яму была ўручаная літаратурная прэмія Цэнтральнай Еўропы «Angelus» за аповесць «Месапатамія». Ён таксама адзначаны прэміяй Конрада.
Кнігі Жадана перакладзены на 16 моваў. На беларускай можна прачытаць ягоныя «Дэпэш мод», «Anarchy in the UKR», «Украінскія авіялініі», «Варашылаўград» і вершы ў «Паэтах планеты».
Культурны рэпарцёр
Сяргей Жадан кажа беларусам не ўпадаць у адчай
2021.08.28 00:12
МГМ, belsat.eu