У Ізраілі загінуў 38-гадовы нарадзінец Беларусі Віталь Карасік, паведаміла расейскаму агенцтву «Регнум» ягоная жонка Юлія. Мужчына быў паліцыянтам. «Мой сужэнец загінуў, абараняючы краіну ад тэрарыстаў», – сказала ўдава Віталя.
Віталь Карасік родам з Магілёва, ягоная жонка Юлія – з Растова-на-Доне. Сям’я, у якой выхоўвалі двух дзяцей, шмат гадоў жыла ў Ашкелёне. Віталь працаваў следчым у паліцыі.
«Мой сужэнец загінуў, абараняючы краіну ад тэрарыстаў», – сказала Юлія.
11 кастрычніка Telegram-канал «Осторожно, новости» напісаў, што падчас нападу баевікоў на Ізраіль загінула 25-гадовая нарадзінка Рэчыцы Алена Астапенка. Яна служыла ў паліцыі і раніцай 7 кастрычніка патрулявала ўчастак у горадзе Афакім. Алена загінула ў баі з тэрарыстамі «Хамасу».
Як раней паведамляла Міністэрства замежных справаў Беларусі, у выніку нападу баевікоў на Ізраіль пацярпелі трое беларусаў. Адна жанчына ў цяжкім стане.
Сяргей Крот belsat.eu
