Латушка на пасадзе міністра культуры перадаў для публікацыі чорны спіс артыстаў
12.06.202316:36
На пасадзе міністра культуры Павел Латушка зліў у інтэрнэт чорны спіс артыстаў. Пра гэта палітык распавёў у інтэрв’ю рэсурсу @honestpeople.
Намеснік кіраўніка Аб’яднанага пераходнага кабінету, кіраўнік Народнага антыкрызіснага ўпраўлення Павел Латушка. Варшава, Польша. 8 чэрвеня 2023 года.
Фота: Белсат
Палітык Павел Латушка распавёў, што падчас працы на пасадзе міністра культуры ў 2009–2012 гадах перадаў для публікавання ў сеціве чорны спіс беларускіх артыстаў.
«Ён быў раней перададзены ў інтэрнэт. Магу нават прызнацца, што копію гэтага спісу я перадаў тым людзям, якія пазней яго апублікавалі», – распавёў Павел Латушка.
Палітык таксама дадаў, што ліст сыходзіў з Адміністрацыі Лукашэнкі. Павел Латушка, будучы міністрам культуры, выступаў супраць абмежаванняў для артыстаў, а сам спіс складала ідэолаг Ірына Дрыга.
Агляд
Суды, эміграцыя, званні і «Міратворац». Што стала з беларускімі ўдзельнікамі «Еўрабачання»
2023.05.09 07:00
Алена Аляксандрава belsat.eu
