Пасля двух запар месяцаў дэфляцыі цэны ў Беларусі ўзнавілі рост. У снежні інфляцыя склала 0,4% у параўнанні з лістападам, паведаміў Белстат. Гадавая інфляцыя – 15,2%.
Нацыянальны статыстычны камітэт на сваім сайце апублікаваў звесткі пра інфляцыю ў апошнім месяцы 2022 года: 0,4% у параўнанні з лістападам. У снежні харчы падаражэлі на 0,7%, паслугі – на 1,1%, а нехарчовыя тавары крыху патаннелі, на 0,4%.
Такім чынам, інфляцыя ў Беларусі летась склала 15,2%. Напрыканцы 2021 года ўлады планавалі, што ў 2022-м кошты вырастуць максімум на 6%.
У кастрычніку і лістападзе, паводле інфармацыі Белстату, цэны зніжаліся (на 1% і 1,1% адпаведна). Улады хваліліся, што гэта адбылося дзякуючы дзяржаўнаму рэгуляванню.
Эксперты раней пагаджаліся, што абмежавальныя захады сапраўды могуць запаволіць інфляцыю, але гэта пагражае дэфіцытам.
Сяргей Крот belsat.eu