9 кастрычніка польскія памежнікі на мяжы з Беларуссю тройчы падлеглі нападам з беларускага боку мяжы. Пра гэта паведамілі ў Памежнай ахове Польшчы.
Як адзначаецца, на ўчастку заставы ў Белавежы група мігрантаў кідала ў польскі патруль камяні і падпаленыя галіны. А на ўчастку заставы ў Дубічах-Царкоўных мігранты двойчы кідалі камяні. Ува ўсіх выпадках ніхто не пацярпеў.
Агулам за панядзелак польскія памежнікі зарэгістравалі 69 спробаў парушэння мяжы, у тым ліку з боку грамадзянаў Сірыі, Самалі і Ірану, улучна з 40 асобамі, якія адмовіліся ад намеру, убачыўшы польскія патрулі.
Латышская памежная служба паведаміла пра затрыманне грамадзяніна Латвіі і 13 чалавек без дакументаў у закінутым доме ў Рызе. Падчас аперацыі адзін з затрыманых ужыў пярцовы балончык. У іх таксама знайшлі пнеўматычную зброю і падробленыя дакументы.
На літоўскай мяжы вядома пра 25 парушальнікаў.
9 кастрычніка стала вядома, што пракуроры Польшчы прынялі рашэнне аб абвяшчэнні ў вышук шэрагу беларускіх сілавікоў, якія падазраюцца ў здзяйсненні актаў гвалту на тэрыторыі Беларусі.
Якуб Хруст belsat.eu