Наступствы катастрофы на Кахоўскай ГЭС і пажары у Канадзе. Галоўныя здымкі тыдня

Затопленыя вуліцы Херсону пасля падрыву плаціны Кахоўскай гідраэлектрастанцыі. Жыхарам давялося чакаць эвакуацыі на дахах будынкаў. У ЗСУ вінавацяць у здарэнні расейскія войскі, акупацыйныя ўлады – украінскую армію. Херсон, Украіна.

Пажылая жанчына трымае на руках сваяка-інваліда падчас эвакуацыі з затопленага раёну ў Херсоне, Украіна.

Мясцовая жыхарка са сваімі хатнімі жывёлінамі эвакуіруецца на лодцы з затопленага раёну ў Херсоне, Украіна.

Смог агарнуў Нью-Ёрк з-за лясных пажараў, якія трываюць у Канадзе з траўня. 7 чэрвеня ў горадзе быў зафіксаваны адзін з найгоршых паказнікаў якасці паветра ў свеце. Нью-Ёрк, ЗША.

Паліцыя высвятляе асобу загінулага ў выніку паводкі пасля выбуху на плаціне Кахоўскай ГЭС. Херсон, Украіна.

Пчолы пакрываюць воскам 3D-раздрукаваную копію старажытнай бронзавай статуі рымскага імператара Адрыяна, створаную славацкім мастаком Томашам Лібэрціны і ізраільскім пчаляром Рафі Нірам. Метад з’яўляецца адлюстраваннем страчанай старажытнай воскавай тэхнікі. Атрыманая мадэль будзе выстаўлена побач з арыгінальнай статуяй Адрыяна ў музеі ў Іерусаліме, Ізраіль.

Заводчык казлянят Мугамад Хасан Нарэджа паказвае вушы 2-месячнага казляняці па мянушцы Сімбі, які мае самыя доўгія ў свеце вушы – 55 см. Карачы, Пакістан.

Людзі выстройваюцца ў лінію, трымаючыся за рукі, уздоўж пляжу Сан-Канраду (São Conrado) для сімвалічнага групавога абдымання з морам у Сусветны дзень акіянаў у Рыа-дэ-Жанэйра, Бразілія.

Гарбаты кіт амаль цалкам выскоквае з вады і з аглушальным усплёскам падае ўніз (меркавана, такім чынам гарбатыя кіты скідаюць з сябе экзапаразітаў-абрастальнікаў) ўздоўж усходняга ўзбярэжжа Аўстраліі.

Зняволеныя трымаюць рукі за галавой падчас ператрусу камер у турме «Ля-Эспэранса» ў Сан-Сальвадоры, Сальвадор.

Вывяржэнне лавы ў кратары вулкану Кілаўэя, Гаваі.