9 сакавіка ў Воршы 14-гадовы падлетак абрабаваў касу крамы, пагражаючы касірцы нажом.
Здарэнне адбылося прыблізна а 21:00. У краму ўварваўся хлопец і, пагражаючы нажом касірцы, забраў грошы з касы.
Рабаўніка хутка знайшлі, ім аказаўся навучэнец адной з мясцовых школаў. Хлопец хаваўся пад мостам недалёка ад месца злачынства.
Пры сабе ў рабаўніка былі знойдзеныя 450 рублёў.
Міліцыя завяла крымінальную справу па факце рабаўніцтва і выклікала да сябе бацькоў хлопца.
Раман Шавель belsat.eu