Міліцыянты паведамляюць пра затрыманне 26-гадовага жыхара Гомельшчыны, якога схапілі працаўнікі ГУБАЗіКу, паколькі падазраюць у стварэнні і адміністраванні YouTube-каналу «з экстрэмісцкім зместам».
Прэсавая служба МУС распаўсюдзіла відэа, у якім мужчына, які называецца Алегам Канавалым, распавядае пра сваё затрыманне. Міліцыянты паведамляюць, што малады чалавек браў удзел у пратэставым руху, здымаў і размяшчаў відэа на сваім канале, дэаноніў сілавікоў.
«Таксама вядома, што, збегшы ва Украіну, ён працягваў актыўна размяшчаць у адной з сацыяльных сетак інфармацыю антыдзяржаўнага зместу. Прапагандаваў узброены супраціў прадстаўнікам улады і працаўнікам праваахоўных органаў. Цынічна выказваўся ў каментарах аб гібелі супрацоўніка КДБ», – паведамляе МУС.
Алег Канавалаў стварыў і адміністраваў YouTube-канал «Трэці Рэгіён Беларусь». Ён жыў ва Украіне, але на святы вырашыў наведаць у Беларусі родных. Тут яго і схапілі працаўнікі ГУБАЗіКу. Супраць Канавалава распачалі крымінальную справу за распальванне сацыяльнай варажнечы.
СЛ belsat.eu