У санаторыі «Беларусь» у Ялце цяпер адпачывае больш за 200 беларусаў. Пра гэта паведамляе «Sputnik» са спасылкаю на адміністрацыю ўстановы.
Беларусам, у якіх скончыліся пуцёўкі, на два дні працягнулі час перабывання ў санаторыі «Беларусь» праз разбурэнне Крымскага моста. За дадатковыя дні пражывання яны плаціць не будуць.
У санаторыі сцвярджаюць, што пазней людзі змогуць выехаць з Крыму на паромах.
Нагадаем, на Крымскім мосце раніцай 8 кастрычніка адбыўся выбух. У выніку выбуху былі разбураныя тры пралёты аўтамабільнай часткі моста, а таксама загарэўся цягнік з цыстэрнамі на чыгуначнай частцы. Следчы камітэт Расеі сцвярджае, што ў выніку здарэння загінулі тры чалавекі.
Цяпер рух па мосце закрыты. Улады анексаванага Крыму абяцаюць, што неўзабаве запрацуе паромная пераправа праз Керчанскую пратоку.
Глеб Нержын belsat.eu
