Вярхоўны Суд Беларусі пакінуў у моцы прысуды, вынесеныя восенню абвінавачаным у «справе БелаПАН».
Лагатып ініфармацыйнага агенцтва БелаПАН.
Фота: belapancompany / Facebook
Паводле інфармацыі «Позірку», нязначна змененыя толькі некаторыя фармулёўкі, якія не паўплывалі на тэрміны зняволення.
Менскі абласны суд 6 кастрычніка вынес прысуд у «справе БелаПАН». Справу разглядалі ў закрытым рэжыме. Прысуд такі:
- медыяменеджар Андрэй Аляксандраў – 14 гадоў калоніі ўзмоцненага рэжыму;
- актывістка і жонка Аляксандрава Ірына Злобіна – 9 гадоў калоніі агульнага рэжыму;
- экс-дырэктар БелаПАН Дзмітрый Наважылаў – 6 гадоў калоніі ўзмоцненага рэжыму;
- галоўная рэдактарка БелаПАН Ірына Леўшына – 4 гады калоніі агульнага рэжыму.
Таксама ім прызначылі буйныя штрафы: Аляксандраву – 32 тысячы рублёў, Злобінай – 25,6 тысячы, Наважылаву – 22,4 тысячы рублёў.
Агулам на гэты момант за кратамі трымаюць 33 беларускіх журналістаў.
Якуб Хруст belsat.eu
