Авіякампанія «Iraqi Airways» арганізавала яшчэ адзін эвакуацыйны рэйс для мігрантаў
04.12.202115:47
Улады Іраку арганізавалі для мігрантаў, якія затрымаліся ў Беларусі, чарговы эвакуацыйны рэйс на радзіму.
Паводле інфармацыі прэс-службы Нацыянальнага аэрапорту «Менск», на рэйс авіякампаніі «Iraqi Airways» Менск-Эрбіль зарэгістраваліся 419 пасажыраў – 415 дарослых і чацвёра дзяцей да двух гадоў.
Эвакуацыйны рэйс з Беларусі.
Фота: iraqi.airways.official / Facebook
Вылет эвакуацыйнага рэйса самалётам Boeing 747-400 быў запланаваны на 15:45.
Усяго падобнымі рэйсамі вывезлі ўжо 2722 мігранта, якія пажадалі вярнуцца дадому. Аднак дакладная колькасць мігрантаў, якія застаюцца ў Беларусі і на межах з Еўразвязам – невядома.
Раней паведамлялася, што перанесены эвакуацыйны рэйс на 2 снежня мусіць стаць апошнім. Ці будуць арганізоўвацца рэйсы яшчэ – таксама невядома.
Hавiны
Апошні самалёт з мігрантамі вылецеў з менскага аэрапорту ў Ірак
2021.12.02 14:33
АД, belsat.eu
