На станцыі метро «Няміга» ў Менску мужчына разбіў шыбу касы і спрабаваў напасці на работніка службы аховы. Свае дзеянні зламыснік растлумачыў раптоўным выбухам гневу, паведамляе менская міліцыя ў сваім Telegram-канале.
Інцыдэнт на станцыі метро «Няміга». Менск, Беларусь. 3 студзеня 2023 года.
Фота: ГУУС Менгарвыканкаму / Telegram
На затрыманне мужчыны, што агрэсіўна паводзіўся, скіравалі АМАП. Як паведамляе ГУУС Менскага гарвыканкаму, зламыснік пабіў шыбу касы і кідаўся ў бойку з работнікам службы аховы метрапалітэну.
Пазней 25-гадовы жыхар Менску прызнаўся, што гэта быў «раптоўны выбух гневу». Супраць мужчыны завялі крымінальную справу паводле артыкулу «Хуліганства».
Раней мужчына быў фігурантам іншай справы, таксама за хуліганства, удакладнілі ў міліцыі. Тым разам ён учыніў буянства ў менскай краме.
Сяргей Крот belsat.eu
