Святару Уладзіславу Багамольнікаву прысудзілі сёмы раз запар адміністратыўны арышт
Святара Уладзіслава Багамольнікава не вызвалілі пасля шостага адміністратыўнага арышту, а прысудзілі чарговыя содні. Гэтым разам святара асудзілі на 13 содняў арышту, паведамляе «Хрысціянская візія».
Святара Уладзіслава Багамольнікава агулам пакаралі 101 соднямі адміністратыўнага арышту. Яго не вызвалілі пасля адбыцця пакарання і сёмы раз запар асудзілі. Гэтым разам яму прызначылі 13 содняў арышту.
Група «Хрысціянская візія» заяўляе, што супраць яго ў ЦІП на Акрэсціна ўжываюць катаванні.
«Мы выказваем захапленне хрысціянскай мужнасцю святара Уладзіслава Багамольнікава, які ў найскладанейшых умовах захоўвае прысутнасць духу, па-хрысціянску падтрымлівае бліжніх і не ідзе на несумяшчальныя з яго перакананнямі кампрамісы.
Мы перакананыя, што ціск, які здзяйсняецца на святара Уладзіслава Багамольнікава адміністрацыяй і персаналам ізалятару, з’яўляецца катаваннем і жорсткім, бесчалавечным і зневажальным годнасць абыходжаннем (у адпаведнасці з вызначэннем ч. I арт. 1 Канвенцыі ААН супраць катаванняў і іншых жорсткіх, бесчалавечных ці прыніжаных) звароты і пакаранні)», – гаворыцца ў заяве групы.
Уладзіслаў Багамольнікаў святар, які служыў літыю па забітым сілавікамі Рамане Бандарэнку, а таксама на знак падтрымання палітвязня Ігара Лосіка браў галадаванне. Байцы ГУБАЗіК схапілі святара 31 жніўня, падчас затрымання яны выламалі дзверы кватэры святара.
Алена Аляксандрава belsat.eu
