Праціўнікі будаўніцтва акумулятарнага заводу каля Берасця Алег Вялаў і Дзмітрый Андрасюк апынуліся за кратамі, паведамляе карэспандэнт «Белсату».
З Алегам Вялавым сувязь знікла ўчора: з самай раніцы да яго прыйшлі сілавікі. У выніку ператрусу забралі ўсю тэхніку і нацыянальны сцяг. Цяпер Алег Вялаў у ІЧУ Ленінскага раёна Берасця: у чым вінавацяць мужчыну, пакуль невядома.
Да яшчэ аднаго праціўніка акумулятарнага заводу, Дзмітрыя Андрасюка, прыйшлі 27 лістапада, цяпер мужчына ў СІЗА № 7 Берасця.
Нагадаем, што ў судзе Ленінскага раёну Берасця 21 верасня за адмову ад паказанняў (арт. 402 КК РБ) суддзя Аляксандр Семянчук пакараў Андрасюка трыма месяцамі арышту. Дзмітрый адмовіўся даваць паказанні наконт Аляксандра Кабанава і Сяргея Пятрухіна. Цяпер Зміцера Андрасюка забралі адбываць гэта пакаранне.
Што датычыць акумулятарнага заводу, які належыць Дзмітрыю Баскаву, то ён працуе. Цяпер завод шукае галоўнага інжынера вытворчасці, кантралёра якасці, зборшчыкаў акумулятарных батарэяў. Адкрыты яшчэ шэраг вакансіяў.
АС belsat.eu