Валерый Гнілазуб звольнены загадам Аляксандра Лукашэнкі з пасады намесніка начальніка Генеральнага штаба Узброеных Сілаў Беларусі па баявым упраўленні.
Як паведамляецца, генерал-маёр звольнены з ваеннай службы ў запас па ўзросце з правам нашэння ваеннай формы і знакаў адрознення.
Валерыю Гнілазубу 55 гадоў, на пасадзе намесніка начальніка Генштаба па баявым упраўленні ён быў з ліпеня 2020 года.
Гэта ўжо не першыя звальненні ў Генштабе Беларусі цягам гэтага года.
У лютым з пасады першага намесніка начальніка Генштаба быў звольнены генерал-маёр Ігар Кароль.
У ліпені Лукашэнка звольніў начальніка Галоўнага разведвальнага ўпраўлення – намесніка начальніка Генеральнага штаба УС генерал-маёра Руслана Касыгіна.
У жніўні быў вызвалены з пасады начальнік галоўнага арганізацыйна-мабілізацыйнага ўпраўлення – намеснік начальніка Генштаба генерал-маёр Уладзіслаў Будзік, які прабыў на пасадзе менш за год.
Раман Шавель belsat.eu
