Паводле ацэнак Белага дома, за апошнія пяць месяцаў у баях пад Бахмутам Расея страціла каля 100 тысячаў чалавек. Пра гэта піша выданне «SkyNews».
Прадстаўнік Белага дома па пытаннях нацыянальнай бяспекі ЗША Джон Кербі распавёў, што са снежня мінулага году да траўня бягучага пад Бахмутам загінулі каля 20 тысячаў расейскіх вайскоўцаў. Палова з іх – з ПВК «Вагнэра». Прадстаўнік Белага дому таксама дадаў, што паводле новых звестак выведкі, пад Бахмутам за гэты час яшчэ 80 тысячаў расейскіх вайскоўцаў атрымалі раненні.
У выніку, паводле ацэнак Белага дома, за апошнія пяць месяцаў Расея пад Бахмутам страціла каля 100 тысячаў вайскоўцаў.
Нягледзячы на такія страты, расейскі наступы на Бахмут і на ўсходні Данбас Украіны пацярпелі няўдачы. Бахмут Расея не здолела захапіць, а цяпер украінскія вайскоўцы пачалі контрнаступ у гэтым раёне.
Алена Аляксандрава belsat.eu
